台語，收賄者Kah自覺

[陳秋白]

掌門詩學季刊第57期編輯筆記

台語，收賄者Kah自覺

　　使用台語ê族群是按怎會kah收賄者做對等ê連接，tī這期ê文學台灣〈第72期〉，我讀著曾貴海先生發表ê 2009年「重生的音符─解嚴後笠詩選」ê導讀「自由與命運的謎歌」內底ê「文學的第五現實」論說中關係語言符號使用ê問題時，雄雄佇文章的後面講：「……因此，堅持用自己選擇的語言符號系統做為書面語言是正確的方向，但是它不具有否定其他符號系統的生產作為台灣文學的功能性與正當性，不然為什麼選舉行為中收賄者使用的大多數是台語符號系統，卻是傷害台灣主體的話語實賤，這種反證應該非常清楚。」。

　　台灣目前ê語言族群，除了日本殖民時期超過75%歸屬日本人編ê「台灣話讀本」俗稱「台語」ê母語使用人口以外，iáu包括客語，原住民…..等等相對少數ê母語族群語言符號系統ê使用者。我想曾貴海先生文章內底講ê選舉時代，應該是指中華民國流亡政府國民黨tī台灣所辦ê選舉。伊講ê話，我想無ê是曾貴海先生用「不然為什麼選舉行為中收賄者使用的大多數是台語符號系統，卻是傷害台灣主體的話語實踐」，來反證台語符號系統的族群「否定其他符號系統的生產作為台灣文學的功能性與正當性」ê道理是啥？假使這是事實，按呢曾貴海先生是毋是認為佇相對少數族群ê客語族群庄頭，籬笆內講中國各種無kāng語言ê新住民kah原住民部落，hām學會曉台語ê其它母語族群，就無曾貴海先生對使用台語符號系統ê族群，所指控hit種接受賄選ê選舉行為嗎？

　　台灣目前母語寫作ê人口，比起有in家己ê母語符號煞用北京語俗稱「華語」做符號系統寫作ê人口來比，會使講是少kah看bē著影。m̄過這佔多數人ê台語母語族群中，產生ê少kah看bē著影ê台語作家，煞愛去phāinn曾貴海先生所指控ê反證。這種對台語作家ê曾貴海風格ê反證指控，我誠好奇毋知笠詩社內底濟濟以台語做母語認同ê詩人，in ê心內有啥感想？

　　某一種語言會受政治力作用，成做優勢語言這是事實。毋閣我心內想ê是，這種所謂政治力，也可能是作家佇家己ê心內起造ê一堵準備無欲hōo家己hānn過ê虛幻ê牆爾。我發現愛提政治力來做藉口ê人，in足愛講Neruda kah Milosz，in講Neruda詩ê「遼闊澎湃」，講「時代的現實感」，講「歷史的精華」，講「奉獻給自己的家國」。毋閣真實ê Neruda到底是啥款ê詩人呢？啥物是Neruda呢？Neruda伊認為伊一生得著ê上重要ê獎，是tī硝酸鹽礦場，hit个對炭坑爬出來伸出粗pê-pê，頂面像深刻著彭巴草原地圖ê手ê炭工對伊講ê話：兄弟，我已經熟似你足久—ah。而且頒獎場合是tī吹著刺骨冷風，tī智利ê星見證ê暗暝，Neruda對炭工in講：lín無孤單，有一个詩人一直關心著lín遭受ê痛苦。─〈from p. 171, My Country in Darknes, Memoirs, Penguin Books 〉。真實ê Neruda，一遍閣一遍藉著詩kah上下階層ê人民對話。In也足愛kā波蘭詩人Milosz寫關係〈我ê忠實ê母語〉ê名言提出來tī海外ê場合講，講啥物母語是我ê祖國，若無你我算啥。毋閣in攏無像in引用Milosz講ê，忠實去實踐in ê母語，in攏bē像Milosz謙卑自稱家己是用無人聽過ê話咧寫詩ê人：

　　　　Wrong Honorable Professor Milosz
　　　　Who wrote poems in some unheard-of tongue.
　　　　　　　　　　─A Magic Mountain, Czeslaw Milosz

　　台灣ê母語寫作運動已經幾落十冬，準講照一般講法ê本土政權去推算，對李登輝先生做總統ê時代，到陳水扁先生做總統ê八冬，鬥鬥嘛有二十年ê時間。這上少二十年ê時間，究竟包括笠詩社kah有in家己ê母語背景，自認是台灣作家ê人，佇in ê作品中到底自我實踐外濟ê母語寫作成就。政治力影響教育是主動力ê作用，媒體kah作家對語言ê使用嘛是主動ê行為，當然媒體kah作家也會使將使用非母語語言ê主動行為講做是一種「不得不」ê作法。媒體考量ê是閱讀ê市場，這是典型ê資本者行為。毋閣當多數ê作家攏自覺欲照家己ê意志出版家己ê母語文學ê時陣，這種力量敢無法度逼使毋管是任何政黨執政ê語言政策。作家無應該替家己tshuē樓梯去落，按呢正義敢毋就是我囡仔時tī電台放送ê〈江湖夜雨十年燈〉ê武俠故事中，聽著ê hit位手提燈火ê盲劍客ê感慨呢！

2009/11/

[Catherine Yen]

When Ma goverment raised, Tseng Kuei Hai's attitude is slanting..... just wait and see, all those presumptioius guys! A real poet and an intellectual can't connieve those plunder and tampering, the boycott should suitably declared at the right time .

[陳秋白]

台灣無緣無故變做流亡中華民國國民黨政府神話ê一省，in閣共綴in來的中國人圍tī 牆內，tsia ê中國人主要ê職業是軍、公、教人員。也hit時ê台灣人m是做工，無就是做農，找機會做生理。這省籍問題主要ê使弄者，就是國民黨因為萬年國會kah對台灣人無平等ê社會階級制度慢慢發酵出來ê。
我感覺誠好笑ê是，司馬中原伊ê意思應該是欲講，我ê祖國中國攏欲拍我ê作品ê電影矣，lin這不過是中國一省ê台灣文學獎是欲算啥。
我足疑問台灣文學獎對in tsia ê中國人到底有啥意義？另外，對台灣人作家閣有啥意義？這究竟是一省的文學獎抑是一國的文學獎呢？以後無閒做lin去參加，我無愛矣！
曾貴海tī 72期ê文學台灣寫ê爛詩，藉外省人ê喙來講台語是外國話，其實是伊家己心內欲製作台灣內部語言ê矛盾，m過伊誠無擔當，揣外省人來做伊ê肉墊。

[Catherine Yen]

今天， 如果金典獎得獎者為台文詩人，是不是司馬先生就認為國家文學館有省籍情結？司馬站在台上，雙手插在口袋中，頭抬得高高的， 講了一席大陸找他拍電影賺的錢比金典獎金多，那種優越感，及出口不惜僭越文學的市儈，真是令人心驚。
對此次評審結果，未見評審報告頗為訥悶，因他類比賽都有評審報告。 鄭館長一席開場致詞更值玩味，他提到此次新詩金典獎，究竟是評〝終生成就獎〞或是〝年度金典獎〞....，對其話語中的暗示，是否話中有話呢？那就請諸位想一想了！

[胡長松]

一般若是外來政權佮寄生者咧喝〔省籍情結〕，是刣人喝救人的層次。

驚人的是，寄生的病症閣會生湠，較早，是外來政權的族群，這馬suah湠來本土族群，假若黴菌。

毋棄絕放捨外來官話的本土寫作者愛細膩，頭殼內底的彼蕾香菇hiah大的黴菌閣會漲大，恐驚會大到that規腦，予人失去記置，連家己的名嘛叫袂出嘴。

[張德本]

十二月十九日去台南國家台灣文學館參加「2009台灣文學獎」頒獎典禮，台灣語現代詩集「泅是咱的活海」參加新詩金典獎入圍，上台領獎主動要求致詞表明：「寫作毋是為得獎，只是因為台語受制於北京語的霸權，纔參賽，全台灣百分之七十五的人民，所使用的台語，袂當文字化，這是一個有堅持立場的台灣作家所無法接受的扭曲事實。」
中國小說家司馬中原上台致詞：「台灣文學獎，由商禽獲得新詩金典獎，證明國家文學館超越「省籍情結」，我的作品，中國已經要拍攝電影，來參賽純是陪榜！」提「省籍情結」的伊，對所依附的中國國民黨流亡政權，過去對台灣作家考量「省籍情結」超過半世紀的霸權壓制，挺逞中國意識的台北文壇主導台灣文壇的宰制行為，如今依然共款，司馬之徒從不反省，如此放言，真正到死袜看台灣無現！

[陳寧貴]

一針見血----

媒體考量ê是閱讀ê市場，這是典型ê資本者行為。毋閣當多數ê作家攏自覺欲照家己ê意志出版家己ê母語文學ê時陣，這種力量敢無法度逼使毋管是任何政黨執政ê語言政策。